သဘဴဍုၚ်ကွာန်မ္ဂးဂှ် မၞုံကဵုလက်သန်စှ်ၜါသာ်ဂှ် မဒှ်ဒတုဲမြမောဝ် ကုသတ်တံ ပ္ဍဲလိုက် ပ္ဍဲပလိုက်ဟေၚ်မ္ဂးရ။ ဍုၚ်ကွာန်မသက္ကု လက်သန်စှ်ၜါသာ်ဂှ် ဟွံဒှ်ဒတုဲမြမောဝ် ကုသတ်တံဟေၚ်ရ။
ပ္ဍဲဍုၚ်ကွာန်မဒှ်ဒတုဲမြမောဝ် ကုသတ်တံဂှ်ဟေၚ် မံၚ်တန်တဴအာ ယဝ်သဒှ် သ္ဂောံဒှ်တသိုက်စိုတ် တသိုက်ကာယမာန်ရ။ ပ္ဍဲဍုၚ်ကွာန်မဟွံဒှ်ဒတုဲမြမောဝ် ကုသတ်တံဂှ် မံၚ်တန်တဴအာမ္ဂး
တ္ၚဲမဂွံဒှ်တသိုက်စိုတ် တသိုက်ကာယဂှ် ဟွံမွဲဟေၚ်။ ဟိုတ်ဂှ်ရ ဍုၚ်ကွာန် မၞုံကဵုလက်သန်စှ်ၜါသာ် မဒှ်ဒတုဲမြမောဝ် ကုသတ်တံ ပ္ဍဲလိုက် ပ္ဍဲပလိုက်ဟေၚ်ဂှ် မံၚ်တန်တဴအာညိ။
ညးမ္ဂးလက်သန်စှ်ၜါသာ်ဂှ်ရော...
၁။ က္ဍိုပ်ဍုၚ်ကွာန်
၂။ ဇိုၚ်ဍုၚ်ကွာန်
၃။ တဲဍုၚ်ကွာန်
၄။ မတ်ဍုၚ်ကွာန်
၅။ ကတောဝ်ဍုၚ်ကွာန်
၆။ မုဟ်ဍုၚ်ကွာန်
၇။ ပါၚ်ဍုၚ်ကွာန်
၈။ ဂၞဴဍုၚ်ကွာန်
၉။ လမျီုဍုၚ်ကွာန်
၁၀။ ကြုတ်ဍုၚ်ကွာန်
၁၁။ ဂြိုဟ်ဍုၚ်ကွာန်
၁၂။ စိုတ်ဍုၚ်ကွာန် ... ဣဝွံ မ္ဂးလက်သန်ဍုၚ်ကွာန်စှ်ၜါသာ်ရ။
ပၟိက်အဓိပ္ပဲါလက်သန်စှ်ၜါသာ်ဂှ်တုန်...
၁။ က္ဍိုပ်ဍုၚ်ကွာန်မ္ဂးဂှ် ပူဂဵုမၞုံကဵုပညာ မဆိုက်ဗဒက် ပ္ဍဲဝတ်ပိပြကာ မတွံဂးဓမ္မဝတ် ရာဇာဝတ် လောကဝတ်တံဂှ် မဒှ်က္ဍိုပ်ဍုၚ် ကွာန်ရ။
၂။ ဇိုၚ်ဍုၚ်ကွာန်မ္ဂးဂှ် ပူဂဵုမၞုံကုသဒ္ဓသဒ္ဓါ မပြာပ်အာ ရှ်ေသှ်ေရဴဂဴ ရတ်ပိပြကာ မအာပ္တုဲဒါန သဳလ ဘာဝနာ လၟိုန်ကာလဂှ် မဒှ်ဇိုၚ်ဍုၚ်ကွာန်ရ။
၃။ တဲဍုၚ်ကွာန်မ္ဂးဂှ် ပူဂဵုမၞုံကဵုလွဳပရာ မကၠောန်ၜိုတ် ကေၚ်ကာဓဝ်ကုသဵု ပ္ဍဲကဵုထာန်ရတ်ပိပြကာ မပ္တုဲတဴဝတ် လၟိုန်ကာလဂှ် မဒှ်တဲဍုၚ်ကွာန်ရ။
၄။ မတ်ဍုၚ်ကွာန်မ္ဂးဂှ် ပူဂဵုမလေပ်ပြကိုဟ် ဗိုတ်ပိ ဗေဒၚ်ပန် မတီအန္တရာဲဍုၚ်ကွာန် ပၞာန်ဒမၠ ကၞောဝ်ဗယဵု ဓိကဵု ယဲဘဲ မက္တဵုဒှ်တံဂှ် မဒှ်မတ်ဍုၚ်ကွာန်ရ။
၅။ ကတောဝ်ဍုၚ်ကွာန်မ္ဂးဂှ် ပူဂဵုမၞုံကုပညာ မဂွံလဝ်ဂလာန်ဂုန်ဒုဟ် အပ္ဍဲပြကိုဟ်လောကဳ လောကုတ္တဵု သီုၜါသာ်တံဂှ်တုဲ ဒၞဲါမပတုဲ ကေတ်စမွဲမွဲ မဗစာရဏာကေတ်၊ မပဗက် ပ္ဍဲကဵုဂလာန်အစာတံဂှ်တုဲ ဟမွဲကဵုအန္တရာဲ သီုလိုက် သီုပလိုက်တံဂှ် မဒှ်ကတောဝ်ဍုၚ်ကွာန်ရ။
၆။ မုဟ်ဍုၚ်ကွာန်မ္ဂးဂှ် ပူဂဵုမၞုံကဵုစလဳစလး ကသပ်ဂၞန် ညာန်ပညာ ကာလဒဒိုက်သၞာမွဲမွဲ မက္တဵုဒှ် ပ္ဍဲဍုၚ်ကွာန်တံဂှ် ညးမဂွံယဵုသာ မလေပ်ဍံၚ်သွာ မပြာကဵုဒဒိုက်သၞာညး၊ ဟွံရန်ကဵုဂုန် ပ္ဍဲပစ္စုပန်၊ မရန်ကဵုမက်ဖဵု ပ္ဍဲကဵုအနာဂတ်ဂတတံဂှ် မဒှ်မုဟ်ဍုၚ်ကွာန်ရ။
၇။ ပါၚ်ဍုၚ်ကွာန်မ္ဂးဂှ် ပူဂဵုမၞုံကဵုဂလာန်သုဘာသိုတ် ဒၞဲါမၜိုတ်ဟီုကဵုတံဂှ် မဒှ်ဒတုဲမြမောဝ် ပ္ဍဲလိုက် ပ္ဍဲပလိုက် ပၠေၚ်ကၠေံ ဒဒိုက်စိုတ်အိုတ်ကာယညးတုဲ မဇိုန်ကဵု တသိုက်စိုတ်ကာယညးတံဂှ် မဒှ်မုဟ်ဍုၚ်ကွာန်ရ။
၈။ ဂၞဴဍုၚ်ကွာန်မ္ဂးဂှ် ပ္ဍဲကဵုထာန်ဒေသဍုၚ်ကွာန်ဂှ် မၞုံကဵုတိဂူ ခံက်ဗ္ၚ သြောံသ္ၚု ဇွောံမ ကၠံသွဝ် သတ်တံဟွံဒးကၠောဝ်ဗျဵု၊ ဒၞဲါဒၞဲါမကၠောန် ကေၚ်ကာဝါနိဇ္ဇမွဲမွဲတံဂှ် ဗွဲမသွာ ဍေံမက္တဵုဒှ်ကုသတ်တံဂှ်။ ဣဝွံ မ္ဂးဂၞဴဍုၚ်ကွာန်ရ။
၉။ လမျီုဍုၚ်ကွာန်မ္ဂးဂှ် မၞုံကဵုသတ်ဟောရာ ညးမတီရောဂနဳဒါန်၊ ပ္ဍဲသန်ထာန်သတ္တံ မက္တဵုဒှ်ယဲမွဲမွဲတံဂှ် ညးမလေပ်ပၠးကဵု၊ မဟဂံၚ်ဝဵုစဏာဲ မဟွံရန်ကဵုပူဇဴသ္ကာ၊ မရန်ကဵုမက်ဖဵုတံဂှ်။ ဣဝွံ မ္ဂးလမျီုဍုၚ်ကွာန်ရ။
၁၀။ ကြုတ်ဍုၚ်ကွာန်မ္ဂးဂှ် ညးမတီ သဘဴဓဝ် သၞောဝ်ဓမ္မသာတ် မလေပ်စဳရေၚ်ဂဗုတ်ဂလာန် ဗဗွဲဓဝ် မဂွံဝေၚ်ကၠေံဓဝ်ဂတိပန်၊ ဟွံရန်ကသပ်ဂၞန်ညးတံဂှ် မဒှ်ကြုတ်ဍုၚ်ကွာန်ရ။
၁၁။ ဂြိုဟ်ဍုၚ်ကွာန်မ္ဂးဂှ် ညးမဒှ်ဒွါအ္စာဇၞော်ဇလိၚ်သၟိၚ်တၠ ပ္ဍဲဍုၚ်ကွာန်တံဂှ် ဟဂံၚ်လီလှေက်ပေက်၊ ဆီစဒြပ်ညး၊ ဟွံဂွံပလီုကၠေံခေါန်ပဝေဏဳညးတမၠာတမၠာ၊ မလေပ်ရာန်သ္ကိုတ်ကၠေံ သတြုကမၠတ်ဒမၠ မပၠေၚ်ကၠေံပူဂဵုမလိၚ်လေက်စညး၊ မဇိုန်ကဵုတသိုက်ညးမတဴပ္ဍဲဍုၚ်ကွာန်ဇကုတံဂှ် မဒှ်ဂြိုဟ်ဍုၚ်ကွာန်ရ။
၁၂။ စိုတ်ဍုၚ်ကွာန်မ္ဂးဂှ် ညးမဒှ်ဂမဳဗၞး ညးမၞုံကဵုပညာ ညးမတီဒတုဲဖဵုလလေၚ်ဖဵု ညးမပ္တုဲဓဝ်ကုသဵု နကဵုသဒ္ဓသဒ္ဓါ၊ ဂလာန်မဒှ် ပ္ဍဲသာသနာပါၚ်ကျာ်တံဂှ် မဟီုတွံဒလောံဗတောန်တဴညး လၟိုန်ကာလ၊ ကာလမပ္တုဲဓဝ်ကုသဵု ကဵုညးမပတုဲဝတ် ၅ ပြကာကၠာတုဲ မကဵုသှ်ပတဴ ဓဝ်သဳလဟေၚ်ရ၊ သှ်ပတဴဓဝ်သဳလတုဲ မကဵုညးပတုဲဒါန် ညံၚ်ကဵုဂလာန်ပါၚ်ကျာ်မတွံလဝ် ပ္ဍဲကဵုဓဝ်သုဒ္ဓသုဒ္ဓါတံဂှ် မဒှ်ဒတုဲဖဵုမဇၞော်ဂှ် မဒှ်စိုတ်ဍုၚ်ကွာန်ရ။
ပ္ဍဲလက်သန်မြမောဝ်ဍုၚ်ကွာန်ပ္ဍဲလိုက်ပ္ဍဲပလိုက်စှ်ၜါသာ်ဝွံဂှ် ကျာ်တြဲ မတွံလဝ် ပ္ဍဲကဵုရာဇလက္ခဏတေံရ။
ပ္ဍဲဍုၚ်ကွာန်မဒှ်ဒတုဲမြမောဝ် ကုသတ်တံဂှ်ဟေၚ် မံၚ်တန်တဴအာ ယဝ်သဒှ် သ္ဂောံဒှ်တသိုက်စိုတ် တသိုက်ကာယမာန်ရ။ ပ္ဍဲဍုၚ်ကွာန်မဟွံဒှ်ဒတုဲမြမောဝ် ကုသတ်တံဂှ် မံၚ်တန်တဴအာမ္ဂး
တ္ၚဲမဂွံဒှ်တသိုက်စိုတ် တသိုက်ကာယဂှ် ဟွံမွဲဟေၚ်။ ဟိုတ်ဂှ်ရ ဍုၚ်ကွာန် မၞုံကဵုလက်သန်စှ်ၜါသာ် မဒှ်ဒတုဲမြမောဝ် ကုသတ်တံ ပ္ဍဲလိုက် ပ္ဍဲပလိုက်ဟေၚ်ဂှ် မံၚ်တန်တဴအာညိ။
ညးမ္ဂးလက်သန်စှ်ၜါသာ်ဂှ်ရော...
၁။ က္ဍိုပ်ဍုၚ်ကွာန်
၂။ ဇိုၚ်ဍုၚ်ကွာန်
၃။ တဲဍုၚ်ကွာန်
၄။ မတ်ဍုၚ်ကွာန်
၅။ ကတောဝ်ဍုၚ်ကွာန်
၆။ မုဟ်ဍုၚ်ကွာန်
၇။ ပါၚ်ဍုၚ်ကွာန်
၈။ ဂၞဴဍုၚ်ကွာန်
၉။ လမျီုဍုၚ်ကွာန်
၁၀။ ကြုတ်ဍုၚ်ကွာန်
၁၁။ ဂြိုဟ်ဍုၚ်ကွာန်
၁၂။ စိုတ်ဍုၚ်ကွာန် ... ဣဝွံ မ္ဂးလက်သန်ဍုၚ်ကွာန်စှ်ၜါသာ်ရ။
ပၟိက်အဓိပ္ပဲါလက်သန်စှ်ၜါသာ်ဂှ်တုန်...
၁။ က္ဍိုပ်ဍုၚ်ကွာန်မ္ဂးဂှ် ပူဂဵုမၞုံကဵုပညာ မဆိုက်ဗဒက် ပ္ဍဲဝတ်ပိပြကာ မတွံဂးဓမ္မဝတ် ရာဇာဝတ် လောကဝတ်တံဂှ် မဒှ်က္ဍိုပ်ဍုၚ် ကွာန်ရ။
၂။ ဇိုၚ်ဍုၚ်ကွာန်မ္ဂးဂှ် ပူဂဵုမၞုံကုသဒ္ဓသဒ္ဓါ မပြာပ်အာ ရှ်ေသှ်ေရဴဂဴ ရတ်ပိပြကာ မအာပ္တုဲဒါန သဳလ ဘာဝနာ လၟိုန်ကာလဂှ် မဒှ်ဇိုၚ်ဍုၚ်ကွာန်ရ။
၃။ တဲဍုၚ်ကွာန်မ္ဂးဂှ် ပူဂဵုမၞုံကဵုလွဳပရာ မကၠောန်ၜိုတ် ကေၚ်ကာဓဝ်ကုသဵု ပ္ဍဲကဵုထာန်ရတ်ပိပြကာ မပ္တုဲတဴဝတ် လၟိုန်ကာလဂှ် မဒှ်တဲဍုၚ်ကွာန်ရ။
၄။ မတ်ဍုၚ်ကွာန်မ္ဂးဂှ် ပူဂဵုမလေပ်ပြကိုဟ် ဗိုတ်ပိ ဗေဒၚ်ပန် မတီအန္တရာဲဍုၚ်ကွာန် ပၞာန်ဒမၠ ကၞောဝ်ဗယဵု ဓိကဵု ယဲဘဲ မက္တဵုဒှ်တံဂှ် မဒှ်မတ်ဍုၚ်ကွာန်ရ။
၅။ ကတောဝ်ဍုၚ်ကွာန်မ္ဂးဂှ် ပူဂဵုမၞုံကုပညာ မဂွံလဝ်ဂလာန်ဂုန်ဒုဟ် အပ္ဍဲပြကိုဟ်လောကဳ လောကုတ္တဵု သီုၜါသာ်တံဂှ်တုဲ ဒၞဲါမပတုဲ ကေတ်စမွဲမွဲ မဗစာရဏာကေတ်၊ မပဗက် ပ္ဍဲကဵုဂလာန်အစာတံဂှ်တုဲ ဟမွဲကဵုအန္တရာဲ သီုလိုက် သီုပလိုက်တံဂှ် မဒှ်ကတောဝ်ဍုၚ်ကွာန်ရ။
၆။ မုဟ်ဍုၚ်ကွာန်မ္ဂးဂှ် ပူဂဵုမၞုံကဵုစလဳစလး ကသပ်ဂၞန် ညာန်ပညာ ကာလဒဒိုက်သၞာမွဲမွဲ မက္တဵုဒှ် ပ္ဍဲဍုၚ်ကွာန်တံဂှ် ညးမဂွံယဵုသာ မလေပ်ဍံၚ်သွာ မပြာကဵုဒဒိုက်သၞာညး၊ ဟွံရန်ကဵုဂုန် ပ္ဍဲပစ္စုပန်၊ မရန်ကဵုမက်ဖဵု ပ္ဍဲကဵုအနာဂတ်ဂတတံဂှ် မဒှ်မုဟ်ဍုၚ်ကွာန်ရ။
၇။ ပါၚ်ဍုၚ်ကွာန်မ္ဂးဂှ် ပူဂဵုမၞုံကဵုဂလာန်သုဘာသိုတ် ဒၞဲါမၜိုတ်ဟီုကဵုတံဂှ် မဒှ်ဒတုဲမြမောဝ် ပ္ဍဲလိုက် ပ္ဍဲပလိုက် ပၠေၚ်ကၠေံ ဒဒိုက်စိုတ်အိုတ်ကာယညးတုဲ မဇိုန်ကဵု တသိုက်စိုတ်ကာယညးတံဂှ် မဒှ်မုဟ်ဍုၚ်ကွာန်ရ။
၈။ ဂၞဴဍုၚ်ကွာန်မ္ဂးဂှ် ပ္ဍဲကဵုထာန်ဒေသဍုၚ်ကွာန်ဂှ် မၞုံကဵုတိဂူ ခံက်ဗ္ၚ သြောံသ္ၚု ဇွောံမ ကၠံသွဝ် သတ်တံဟွံဒးကၠောဝ်ဗျဵု၊ ဒၞဲါဒၞဲါမကၠောန် ကေၚ်ကာဝါနိဇ္ဇမွဲမွဲတံဂှ် ဗွဲမသွာ ဍေံမက္တဵုဒှ်ကုသတ်တံဂှ်။ ဣဝွံ မ္ဂးဂၞဴဍုၚ်ကွာန်ရ။
၉။ လမျီုဍုၚ်ကွာန်မ္ဂးဂှ် မၞုံကဵုသတ်ဟောရာ ညးမတီရောဂနဳဒါန်၊ ပ္ဍဲသန်ထာန်သတ္တံ မက္တဵုဒှ်ယဲမွဲမွဲတံဂှ် ညးမလေပ်ပၠးကဵု၊ မဟဂံၚ်ဝဵုစဏာဲ မဟွံရန်ကဵုပူဇဴသ္ကာ၊ မရန်ကဵုမက်ဖဵုတံဂှ်။ ဣဝွံ မ္ဂးလမျီုဍုၚ်ကွာန်ရ။
၁၀။ ကြုတ်ဍုၚ်ကွာန်မ္ဂးဂှ် ညးမတီ သဘဴဓဝ် သၞောဝ်ဓမ္မသာတ် မလေပ်စဳရေၚ်ဂဗုတ်ဂလာန် ဗဗွဲဓဝ် မဂွံဝေၚ်ကၠေံဓဝ်ဂတိပန်၊ ဟွံရန်ကသပ်ဂၞန်ညးတံဂှ် မဒှ်ကြုတ်ဍုၚ်ကွာန်ရ။
၁၁။ ဂြိုဟ်ဍုၚ်ကွာန်မ္ဂးဂှ် ညးမဒှ်ဒွါအ္စာဇၞော်ဇလိၚ်သၟိၚ်တၠ ပ္ဍဲဍုၚ်ကွာန်တံဂှ် ဟဂံၚ်လီလှေက်ပေက်၊ ဆီစဒြပ်ညး၊ ဟွံဂွံပလီုကၠေံခေါန်ပဝေဏဳညးတမၠာတမၠာ၊ မလေပ်ရာန်သ္ကိုတ်ကၠေံ သတြုကမၠတ်ဒမၠ မပၠေၚ်ကၠေံပူဂဵုမလိၚ်လေက်စညး၊ မဇိုန်ကဵုတသိုက်ညးမတဴပ္ဍဲဍုၚ်ကွာန်ဇကုတံဂှ် မဒှ်ဂြိုဟ်ဍုၚ်ကွာန်ရ။
၁၂။ စိုတ်ဍုၚ်ကွာန်မ္ဂးဂှ် ညးမဒှ်ဂမဳဗၞး ညးမၞုံကဵုပညာ ညးမတီဒတုဲဖဵုလလေၚ်ဖဵု ညးမပ္တုဲဓဝ်ကုသဵု နကဵုသဒ္ဓသဒ္ဓါ၊ ဂလာန်မဒှ် ပ္ဍဲသာသနာပါၚ်ကျာ်တံဂှ် မဟီုတွံဒလောံဗတောန်တဴညး လၟိုန်ကာလ၊ ကာလမပ္တုဲဓဝ်ကုသဵု ကဵုညးမပတုဲဝတ် ၅ ပြကာကၠာတုဲ မကဵုသှ်ပတဴ ဓဝ်သဳလဟေၚ်ရ၊ သှ်ပတဴဓဝ်သဳလတုဲ မကဵုညးပတုဲဒါန် ညံၚ်ကဵုဂလာန်ပါၚ်ကျာ်မတွံလဝ် ပ္ဍဲကဵုဓဝ်သုဒ္ဓသုဒ္ဓါတံဂှ် မဒှ်ဒတုဲဖဵုမဇၞော်ဂှ် မဒှ်စိုတ်ဍုၚ်ကွာန်ရ။
ပ္ဍဲလက်သန်မြမောဝ်ဍုၚ်ကွာန်ပ္ဍဲလိုက်ပ္ဍဲပလိုက်စှ်ၜါသာ်ဝွံဂှ် ကျာ်တြဲ မတွံလဝ် ပ္ဍဲကဵုရာဇလက္ခဏတေံရ။
